63 микрорайонда төзелеп килүче 18 төркемнең яртысы ясле яшьтәге балалар өчен булачак. Алар барысы да мәктәпкәчә белем бирү учреждениесенең беренче катында урнашачак. 340 урынга исәпләнгән «Сабантуй» балалар бакчасы, Чаллы мэры Наил Мәһдиев катнашында иртәнге күчмә киңәшмәнең беренче ноктасы булды. Мәктәпкәчә учреждение төзелешен 1 сентябрьгә тәмамларга планлаштыралар.

«Социаль ипотека-яшь гаиләләр, әлбәттә, аланың балалар бакчаларына ихтыяҗы зур. Шуңа күрә әлеге микрорайонда кирәкле нәрсәләрне төзибез. 1 сентябрьгә бурыч-балалар бакчасын эшләтеп җибәрү. Иң заманча балалар бакчасы: бассейннар, барлык кирәкле җиһазлар белән булачак. Эшләр дәвам итә. Монда 360 млн сумнан артык акча кертелгән«, — дип сөйләде Наил Мәһдиев.

Ул билгеләп үткәнчә, шәһәрдә ясле яшендәге балалар өчен урыннар белән тәэмин итү проблемасы бар: «Өч яшьтән җиде яшькә кадәр балалар өчен без проблеманы хәл иттек, әмма проблема зур. Ул, тулаем алганда, туучылар саны югары булган шәһәрләрдә була. Ә бездә туу югары дәрәҗәдә. Бу ел буенча гадәти үсеш яхшы. Гомумән алганда, илдә демографик хәл катлаулы булуга карамастан, хәтта бу хәл вакытында да – Чаллыда 2018 елда туучы 7 263 бала теркәлгән«, — диде мэр.

Моннан тыш, Наил Мәһдиев соңгы ике елда шәһәрдә миграция үсеше күзәтелүенә дә игътибар итте.

«Бу алгарышлы социаль икътисадый үсеш территориясе, яңа производстволар ачу, кабина каркаслары заводы төзү белән бәйле дип уйлыйм. Боларның барысы да, әлбәттә, Россия Федерациясенең башка төбәкләреннән хезмәт ресурсларын җәлеп итә. Табигый үсешкә, миграция үсешеше кушыла, шуның хисабына безнең Чаллы шәһәрендә яшәүче кешеләр саны ел саен 2-2,5 мең чикләрендә арта бара. Димәк, мондый социаль учреждениеләрдә ихтыяҗ арта», — дип нәтиҗә ясады шәһәр башлыгы.

Шуны да билгеләп үтәргә кирәк, бүгенге көндә Яр Чаллыда 120 балалар бакчасы бар. Тиздән алар 126 булачак. Төзелеп килүче алты балалар бакчасы ярдәмендә өстәмә рәвештә 1440 урын барлыкка киләчәк. Моннан тыш, хәзерге вакытта тугыз мәктәпкәчә белем бирү учреждениесендә капиталь ремонт бара, бу биш өстәмә төркем булдырырга мөмкинлек бирәчәк.

 

http://nabchelny.ru/

Комментарий язарга