Чаллыда аквапарк һәм ике каплаулы боз сарае төзиячәкләр

Чаллы мэры Наил Мәһдиев уку алдынгылары, олимпиада җиңүчеләре, җәмәгать оешмалары активистлары чакырылган мэр чыршы бәйрәмендә автокаланың алга таба үсеш планнары белән уртаклашты.

- Без кимендә ике каплаулы боз сарае төзүне максат итеп куябыз, киләсе елда аквапарк төзи башларга җыенабыз, безгә нәфис гимнастика, сугыш сәнгате үзәкләре кирәк әле, - диде ул "КАМАЗ" мәдәният сараенда җыелган балаларга һәм яшүсмерләргә.