Чаллы язучылар оешмасы юбилеен билгеләп үтәчәк

Татарстан Язучылар берлеге Чаллы бүлеге оешуга быел 40 ел тулды. Шул уңайдан, 28 февраль көнне көндезге сәгать икедә шәһәребезнең 41 санлы гомуми белем бирү мәктәбенең зур залында әдәби-музыкаль кичә уза. Чарада Казаннан, Башкортостаннан, Татарстанның төрле төбәкләреннән мәртәбәле кунаклар катнаша.

Әдәби-нәфис, иҗтимагый «Мәйдан» журналында 2019  елда басылып чыккан иң яхшы әсәрләре һәм актив әдәби-иҗтимагый эшчәнлекләре өчен авторларга, «Мәйдан» журналы эшчәнлеге үсешенә зур өлеш кертүчеләргә Илдар Юзеев исемендәге әдәби-иҗтимагый премияләр тапшырылачак.