Коронавирус ризыктан йогамы?

Коронавируслы инфекция ашказаны-эчәклек авыруы түгел, ул азык-төлек аша күчми. Бу турыда АКШның Огайо штаты университеты галиме Санджа Илич сүзләренә сылтама белән «Звезда» каналы хәбәр итте.

Санджа Илич сүзләренчә, вируслар тере организм эчендә үрчи. Ләкин алар берничә сәгатьтән берничә тәүлеккә кадәр төрле өслекләрдә дә исән кала ала. Шуңа күрә супермаркетта авыру йоктыру куркынычы бар.

Шуңа күрә кибеттә метр - метр ярым дистанция тотарга, кулларны антисепетик белән эшкәртергә, яшелчә һәм җиләк-җимешне яхшылап юарга кирәк. Әзер ризык китертүдән дә курыкмаска киңәш ителә. Пандемия барган вакытта бер тапкыр да кибет яки ресторан курьерыннан COVID-19 йогу очрагы теркәлмәгән.