Беркөн килеп, бөркет булыйм, дисәм,
Таулар икән бездә, аһ, сөзәк…
Кыя-ташлар эзләп китиммени,
Талган канатымны өстерәп?!

Җиттем дә ди барып, таптым да ди
Күккә ашкан хыял кыясын.
Күз алдына китерү дә газап
Мескен булып басып торасым.

Болын-кырга, тып-тын аккан суга
Тумыштан ла йөрәк күнеккән.
Кыя таулар эзләп китиммени?!
Кош икәнем беләм, шул җиткән…

Сирень ЯКУПОВА

Фото: https://ru.freepik.comИзображение от wirestock