Логотип «Мәйдан» журналы

Бер карауда гашыйк бул да...

(Җыр язу өчен)Ир-егетнең үзе түгел -Яратадыр күзе дибез.Хатын-кызның колак ашаЯратканын ник белмибез.Кушымта:Алиһәм дип, шаһинәм дип,Хәзинәм дип, йә иркәм дип,Бер карауда гашыйк бул да,Колагыма пышылд...

(Җыр язу өчен)
7090fc5a788d9bdab2fc9b2152366265
Ир-егетнең үзе түгел -
Яратадыр күзе дибез.
Хатын-кызның колак аша
Яратканын ник белмибез.
Кушымта:
Алиһәм дип, шаһинәм дип,
Хәзинәм дип, йә иркәм дип,
Бер карауда гашыйк бул да,
Колагыма пышылдап, үп!
Гашыйкларның күз-колагы
Тылсымлы бер табышмактыр.
Күзләр сүзгә тәңгәл килеп
Насыйп ярлар кавышмактыр.
Кушымта:
Гыйззәтлем вә зиннәтлем дип,
Җәннәтем дип, ләззәтем дип,
Бер карауда гашыйк бул да,
Колагыма пышылдап, үп!
Серле караш, назлы сүздән
Күпме башлар әйләнә шул.
Яратышып ярәшүләр
Күз-колакка бәйләнә шул.
Кушымта:
Җан кисәгем, кадерлем дип,
Белик сөю кадерен дип,
Бер карауда гашыйк бул да,
Колагыма пышылдап, үп...

Комментарийлар