Бер карасаң…
Кешеләр күп, төрле-төрле,Күп нокталы һәм өтерле…Бер карасаң – гап-гадиләр,Бер карасаң – серле-серле.Бер карасаң – бергәләшепШау-гөр килә бөтен халык.Бер карасаң – берәм-берәмОфтаналар ялгыз калып.Бер-...
Кешеләр күп, төрле-төрле,
Күп нокталы һәм өтерле…
Бер карасаң – гап-гадиләр,
Бер карасаң – серле-серле.
Бер карасаң – бергәләшеп
Шау-гөр килә бөтен халык.
Бер карасаң – берәм-берәм
Офтаналар ялгыз калып.
Бер-беребезнең тойгыларын
Тойган кебек тоелабыз.
Күзләр әйтеп биргәндә дә
Сүздә ләм-мим, тыелабыз.
Туа, яши, мин барыбер
Бер китәм, дип, уйлый-уйлый.
Гомер буе адәми зат
Үзе белән үзе уйный.
Данис ХӘЙРУЛЛИН
Фото: https://pixabay.com
Вход на сайт
Комментарийлар