Чаллыда "Бүгенге татар әдәбиятында чор сулышы" исемле түгәрәк өстәл узды

23 март көнне Чаллы шәһәре Үзәк китапханәсенең әдәбият тарихы музеенда "Бүгенге татар әдәбиятында чор сулышы" исемле түгәрәк өстәл оештырылды.

Биредә Амур Фәләх, Сирень Якупова, Марс Яһудин, Рахман Шәфигуллин, Рафис Сәлимҗанов, Зәбир Хәлимов, Раушания Гыйләҗева кебек танылган каләм ияләре, журналистлар, китапханәчеләр, татар теле һәм әдәбияты укытучылары фикер алышты. Түгәрәк өстәлне китапханәче Исламия Динмөхәммәтова җитәкләде. Түгәрәк өстәл барышында хәзерге чорда әдәбиятның роле, дин һәм әхлак, "Бүгенге язучы нәрсә турында язарга тиеш?" кебек сораулар күтәрелде.