Россия авиакомпаниясе беренче тапкыр тулысынча хатын-кызлардан торган экипаж белән очты

"Победа" авиакомпаниясендә беренче тапкыр тулысынча нәфис затлардан гына торган экипаж белән рейс ясалды. Самолет Истамбул - Мәскәү  маршруты буенча очты, дип хәбәр итә "Вести КАМАЗа" басмасы.

Интернет челтәрен кулланучылар бу яңалыкны төрлечә кабул итте. Кемдер авиасудно  бары тик көчле ир-атлар урыны дип санаса, икенче берәүләре бу эшне хатын-кызлар да яхшы башкара алуына шикләнмәвен белдерде.

Фото: instagram.com/pobeda_aero.