Апрель. Тукай туган көн,

Ява карлы яңгыры.

Шагыйрьләрнең шигырьләре

Томан аша яңгырый.

Күшеккәннәр кояш көтә,

Көтә һәйкәл, көтә ил.

Тукайга гөлләр китердек,

Әрсезләнеп исә җил.

tukaj

Һәйкәл янына ышыкка,

Тыгызлана килгәннәр.

«Кояш барыбер чыгачак,

Без түзәрбез!» – дигәннәр.

Тукай янында җылырак,

Ул тора аягүрә.

Ул биектә, кояшның да

Чыгуын алдан күрә.

 

Тукайга гөлләр китердек,

Гөлләр таралып ята.

Кешеләр килә торалар,

Чәчәкләр һаман арта.

 

Өметлеләр килгән монда.

Кар-яңгырга коенып,

«Туган тел» җырлый сабыйлар,

Таш һәйкәлгә сыенып.

 

Фото: интернеттан

Комментарий язарга