Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген – 13 апрельдә, көндезге һава температурасы көньяк районнарда 17 градуска кадәр күтәреләчәк.

Mo0416_2

Көндез явым-төшем көтелми, көнчыгыштан, көньяк-көнчыгыштан искән җилнең тизлеге секундына 4-9 метр тәшкил итәчәк. Уртача һава температурасы 9-14 градус чамасы булачак.

Синоптиклар алдагы көннәргә һава температурасының сизелерлек күтәрелүен фаразлый. Иртәгә, 14 апрельдә – 13-18, ә 15 апрельдә, җомгада – 15-20 градус җылы булачак. Бераз яңгыр да явачак, диелә.

Ә төнге температура  уртача 7-10 градус җылы булачак, ди.


Комментарий язарга