Яз
Су буенда су чәчрәтепУйный балалар.Су буйларын яңгыратыпҖырлыйлар алар.Зәңгәр күктән каңгылдашыпКазлар үтәләр,Ә балалар ул казларгаЯулык селкәләр.Су буенда җем-җем итәМай чәчәкләре.Иркәләнеп оча майны...
Су буенда су чәчрәтеп
Уйный балалар.
Су буйларын яңгыратып
Җырлыйлар алар.
Зәңгәр күктән каңгылдашып
Казлар үтәләр,
Ә балалар ул казларга
Яулык селкәләр.
Су буенда җем-җем итә
Май чәчәкләре.
Иркәләнеп оча майның
Күбәләкләре.
Күк йөзеннән ак чәчәктәй
Кояш нур сибә.
Яфрак яра бакчаларда
Шомырт һәм чия.
Һәр көн шулай – матур яздай
Безнең илебез.
Кайгысыз һәм хәсрәтсез
Безнең җиребез.
Нур БАЯН
Фото: https://www.freepik.com/Freepik
Вход на сайт
Комментарийлар