Таңъязмалар

Таңъязмалар офык читәнендә
Кычкырып тора әллә кайларга! –
Ул дастанны уку читендер лә,
Гыйлем алмый торып
Айлардан…
 
Илаһи Көч ярдәмлеге генә
Дөнья серен ача күңелдә –
Йөрәк Күзем
киләчәкне күрә
Гасырларның тылсым-күгендә!
 
Ташязмалар кебек таңъязмалар
Тарих китабында – мәңгегә…
Дастан булып
алсулана
кырлар
Гөлестанлы галәм түрендә.
 

Мансур САФИН

Фото: Background фото создан(а) ijeab - ru.freepik.com