Логотип «Мәйдан» журналы

Сез һаман бергә икән

Син яшь кыз, минем егет чак,Уйнама-көлмә икән;Сөймә дә, имеш, көймә дә,Тауларга менмә икән!Әйттеләр дуслар көнләпме:Сез һаман бергә икән,Сез һаман бергә икән,Бергә икән.Туйлар да үтте... гомернеУзмас...

Син яшь кыз, минем егет чак,
Уйнама-көлмә икән;
Сөймә дә, имеш, көймә дә,
Тауларга менмә икән!
Әйттеләр дуслар көнләпме:
Сез һаман бергә икән,
Сез һаман бергә икән,
Бергә икән.
Туйлар да үтте... гомерне
Узмас дип йөрмә икән;
Агарды чәчләр, агармас —
Утларга кер дә икән.
Әйтәләр: кара боларны!
Сез һаман бергә икән,
Сез һаман бергә икән,
Бергә икән.
Кадер дә, хөрмәт тә сиңа
Тик туган җирдә икән;
Оныклар үскәнче яшә,
Ятка сер бирмә икән.
Әйтсеннәр: күрче боларны!
Сез һаман бергә икән,
Сез һаман бергә икән,
Бергә икән.
 

Сибгат ХӘКИМ


Фото:https://ru.freepik.com/Изображение от Freepik

Комментарийлар

Реклама