Сагыш
Бәгырьләрне өзә таныш моңы,Ниләр булган талгын чишмәгә?Әйтелмәгән үкенече бардыр,Таулар ярып чыкмас тикмәгә.Киң иде дә сабыр канатларым,Тарайды шул дөнья нигәдер;Салкын ташка юанычлар эзләп,Әнкәм җыры...
Бәгырьләрне өзә таныш моңы,
Ниләр булган талгын чишмәгә?
Әйтелмәгән үкенече бардыр,
Таулар ярып чыкмас тикмәгә.
Киң иде дә сабыр канатларым,
Тарайды шул дөнья нигәдер;
Салкын ташка юанычлар эзләп,
Әнкәм җыры монда тибәдер...
Балачаклар хатирәсен кабат
Яңарткандай чишмә агышы;
Газиз бер моң булып челтеридер
Саф телемдә якты сагышым.
Илдар ӘХСӘНОВ
Фото: Гөлнар Караева
Вход на сайт
Комментарийлар