Оч син, җырым…

Оч син, җырым, оч син еракларга,
Җилләр сине көтеп алсыннар.
Сандугачлар, сайрар сандугачлар
Моңнарыңа хәйран калсыннар.
Оч син, җырым, алтын диңгез кебек
Иген кырларында чыңла син.
Моң яраткан халкым, сөенә-сөенә,
Онытылып сине тыңласын.
Оч син уйнап, шаян тургайлардай
Зәңгәр киңлекләргә омтыл син.
Син чыңлаган җирдә шатлык тусын,
Күңелләрдә кайгы онтылсын.
Оч син, җырым…
 

Резеда ВӘЛИЕВА

Фото: https://ru.freepik.com