«Мең төрле хис кайный казанымда...»

Мең төрле хис кайный казанымда.

Әйтерсең лә мәзин бабай, туктап,

Уйга калып тора – азанында...

Урынсызмы, язган шигырьләрдән,

Ялгыш, диеп акланасы килә.

Язмыш, диеп, әйтсәң дөресрәкме...

Артык сүздән сакланасы килә.

Уйламыйча әйткән фикерләрнең

Гөнаһыннан якланасы килә.

Мең төрле уй кайный казанымда.

Язмыйча да тора алмыйм, язылгач та –

Ник яздым дип, газап чигәм азагында.

Ләйсән ФӘТХИ 

Фото: https://ru.freepik.com/Изображение от kroshka__nastya

«Мәйдан» № 11, 2023 ел