Күңелемнең илһам иртәсе

Тансык йокы бүген кыл уртада
Өзелеп китте, ачты күзләрне.
Яңа туып килгән саф иртәне
Әйтүедер шулай, күр әле!
 
Дуамалдай уйлар шаукымында
Йокы үрти кереп төшләргә.
Ә бүген ул дуслык игълан итте.
Юрган буйлап кояш түшәлә.
 
Бүгенге таң бер дә гади түгел –
Күңелемнең илһам иртәсе.
Таң нурында яңа шигырь туа,
Аның юлы шулай киртәсез!
 

Айзирә ИМАМОВА

Фото: https://pixabay.com