Көзнең киеренке минутлары

Көзнең киеренке минутлары,

Тузгып ага кызу болытлары.

Йөгереп китәр идем артларыннан

Аермыйча агын карасыннан.

Алар, шул агачларга сыенып,

Нидер урлап качкан карак сыман.

Оча кошлар, берсен-берсе узып,

Җилгә канатларын каты сугып.

Йөгереп китәр идем, аермыйча

Җырчы кошын ала каргасыннан;

Каурый тузгып кала, ашыгалар

Коты очып качкан качак сыман.

Йөгереп кенә китәр идем лә мин,

Кузгалырга нидер җитеп бетми;

Әлла Казан тәмам тоткын итте,

Әллә Себерем онытты инде?

Шәүкәт ГАДЕЛША

Фото: https://ru.freepik.com/