Кемгә сөйлим серләремне

Кемгә сөйлим серләремне,

Йөрәгем ялкын кебек,

Ялкынланган йөрәгемә

Берәү бик якын кебек;

Аның өчен кырлардагы

Чәчәкләр җитмәс кебек,

Чәчәкләр дә йөрәгемне

Аңлатып бетмәс кебек.

Ул үзе дә төн йокысыз

Мине уйлыйдыр кебек...

Янып сөймәсәң, яшьлекнең

Яме булмыйдыр кебек.

Фатих КӘРИМ

Фото: https://ru.freepik.com/Изображение от wirestock на Freepik