Яшим әле...

Елмаеп яшим әле мин, 
Шатлыгың ни, кайгың ни... 
Еласаң да юатучы 
Табылмый ул, табылмый.

Гомеремнең юлларыннан 
Елмаеп узам әле. 
Елмаеп яшим әле мин, 
Елмаеп сызам әле.

Елмаю – минем бүгенгем, 
Елмаю – үткәнем дә. 
Елмаю булып калырмын 
Күңелең күкләрендә.

Нәрсә тормыш?!
Ул миңа да
Авын бик аз кормады...
Күз яше мин бу дөньяның,
Тик елмая торганы.
 

Фото: https://ru.freepik.com

«Мәйдан» № 10, 2024 ел