Гаебем юк

«Кеше җиргә туу белән
Якыная үлемгә», –
Дигән сүзне ишеткәч тә,
Буза купты күңелдә.
Ничек инде? Буем үсә,
Калыная бәдәнем.
Яшь вакытта сизелми шул
Җитдилеге бәланең.
Шыпырт кына сеңеп барган
Күзәнәккә тәндәге.
Хәсрәт белән канын бозып
Җиңә икән бәндәне.
Күз ачылды, исән калган
Соңгы тешне күргәчтен.
Дәлилем шул: картлык белән
Ахыргача көрәштем…
 

Илдус ГЫЙЛӘҖЕВ

Фото: https://ru.freepik.com