Әй, бу дөнья!

Әй, бу дөнья! Мин дигәнчә бармый,
Әй, бу дөнья! Син дигәнчә бармый.
 

Әй, бу дөнья! Гел үзенчә бара,
Йөрәкләргә күпме яра сала.
Күпме кеше җаны әрнеш ала,
Яралардан күпме җөйләр кала.
Ә дөньясы җәйрәп яткан дала,
Анда күпме кеше башын сала.
Кылганнары дулкын булып ага,
Кылган моңы йөрәгемә дәва.
Әй, дөньясы! Мин дигәнчә барса…
Әй, дөньясы! Син дигәнчә барса…
 

Рәзинә МӨХИЯР

Фото: Micah Boerma https://www.pexels.com/ru-ru/photo/1008737/