Бәгырь авазы

Җилкенсәк тә, җиңелсәк тә, җигелсәк тә –

Барыбермы сезгә?

Безгә барыбермы?!

Хан китсә дә, Кан китсә дә, Дан китсә дә–

Барыбермы сезгә?

Безгә барыбермы?!

Тиенсәк тә, тилерсәк тә, тибелсәк тә –

Барыбермы сезгә?

Безгә барыбермы?!

Көн китсә дә, Дин китсә дә, Ден китсә дә–

Барыбермы сезгә?

Безгә барыбермы?!

Сөелсәк тә, сөрелсәк тә, сибелсәк тә –

Барыбермы сезгә?

Безгә барыбермы?!

Җир китсә дә, Ил китсә дә, Тел китсә дә –

Барыбермы сезгә?

Безгә барыбермы?!

Учарланып, юашланган учакларның

Чал көлендә, бөгәрләнеп, калырбызмы?

                          Ут хәтере гөлтләп сүнсә, су хәтере кала –

С у  с ү р ә с е н  аңлап, сабак алырбызмы?

Ходай биргән Милләт дигән таҗны җуеп,

Киләчәккә гидай булып барырбызмы?!

Барыбермы сезгә?

Безгә барыбермы?!

Фото: Николай Туганов

«Мәйдан» № 10, 2021 ел