Зоопаркта бик сирәк хайваннарның берсе туган

Денвер зоопаркында (АКШ) юкка чыгып баручы хайваннар төренең берсе булган ярыммаймыллар отрядына караучы ай-ай дип аталучы (мадагаскарская руконожка) җәнлек туган, дип хәбәр итә Live Science.


Ул 8 августта дөньяга килгән, аны Гарри Поттер турындагы китап персонажы Нимфадора Тонкс хөрмәтенә атаганнар. Хәзер әлеге җәнлек баласын зоопарк хезмәткәрләре карый.
Ай-ай дип йөртелүче әлеге хайван  бары тик Мадагаскарда гына яши. Урманнарны кисү аркасында аларның саны көннән-көн кими бара. Алар 44 см га кадәр үсәргә мөмкин. Тәпиләре бик кыска булу сәбәпле, бу хайван бик акрын хәрәкәтләнә.