Яшик әле!

Яшик әле!
Бу дөньяда
Ниләр генә булмасын! –
Йөрәк кенә сынатмасын,
Йөрәк кенә тынмасын!
Яшик әле!
Тартып бара
Атлар гомер арбасын! –
Атлар гына абынмасын,
Атлар гына армасын!
 
Яшик әле!
Күңелләрдә
Сөю генә үлмәсен! –
Ярлар гына янда булсын,
Хисләр генә сүнмәсен!
Яшик әле!
Халкым гына
Бүтән афәт күрмәсен!
Исән генә була күрсен,
Хәсрәт кенә белмәсен!
 

Роберт МИҢНУЛЛИН

Фото: https://ru.freepik.com/