Ялчыгол оныклары - ерак бабалары музеенда

Ялчыгол оныклары Зәй районы Югары Мәлем авылында төп нигездә еш очраша, ерак бабалары рухына Коръән ашлары уздыра, дип яза "Зәй офыклары".
Фото: http://zainsk-rt.ru
Хаҗия Разилә Җиһаншина әтисе, Ялчыгол оныгы Госман хәзрәт рухына багышлап, Коръән ашы уздырды. Әлеге нәсел еш Иске Зәй бистәсе укыту үзәгендәге Ялчыгол музеенда була. Бүген исә әлеге нәселдән булган Алсу Талипова, Рәмзия Сәгытдинова, Илзирә Низамова, Петербургтан кайткан Рәзилә Җиһаншина, Ялчыгол укулары башында торучы Сәгыйть хәзрәт Камалов, игелекле эшләр башында торучы Ленар Шаһиев Иске Зәй бистәсе укыту үзәгендәге Ялчыгол музеена экспонатлар тапшырды. Анда Иске Зәй имамы Илсур хәзрәт Әюпов та катнашты.