Туган көн турында уйлану...

 
Туган көн ул – җиргә килү
Мең бурыч алып иңгә.
Яшәрлек булмасын иде,
Тудым икән дип нигә?!

 
Кушымта:
Туган көннәр котлы булсын –
Изге теләк телибез!
Кадер-хөрмәтле зат булып
Яшәсәк иде дибез!
 
Туган көн ул – Олы бүләк
Раббыбыз тарафыннан.
Димәк, кеше илаһи бер,
Зат булып яратылган.
 
Кушымта.
Туган көн ул – искәртүче,
Гомернең фасылларын.
Заяга гына уздырмыйк
Елларның асылларын...
 
Кушымта:
Туган көннәр котлы булсын -
Изге теләк телибез.
Кадер-хөрмәтле зат булып
Яшәсәк иде дибез!
 

Фәүзия Мөхәммәтова. Норлат.