Теләк—дога

Һәр фасылның үзгә матурлыгы;
Һәр чорның да үзгә ягымлыгы.
Шөкер, Аллаһ, һәрбер көнеңә дә,
Кереп барам гомер көземә дә.
 
Матурлыклар йөздә кимесә кич,
Күңел-байлык... арта, кимеми һич.
Шөкер, Аллаһ, мине буш итмәдең,
Бер минутка ташлап син китмәдең.
 
Теләк- дога һәрбер язган сүзем,
Матурлыклар күрә ике күзем.
Шөкер,Аллаһ, диеп кенә дәшәм,
Чәчкә-бәйләм сүзләр җиргә чәчәм.
 

 Рәзинә МӨХИЯР

Фото: https://pixabay.com