Татарстанда кар мәчете барлыкка килде

Татарстанның Буа районы Черки-Килдураз авылында кардан ясалган мәчет барлыкка килде.

Җирле матбугат чаралары хәбәр итүенчә, аны шушы авылда яшәүче аксакаллар ясаган. Шул рәвешле алар Буа районы мөхтәсибәте игълан иткән "Минем мәчет макеты" конкурсында катнашырга булганнар. Җирле осталарның башлыгы - авылның мәчете имамы Кадим Мөбәрәкшин. Ул әлеге башлангычны җирле халык бик теләп каршы алды, ярдәм итте дип белдергән. Әлеге мәчет макеты белән команда җиңү яуларга өметләнә.