Татарстан Язучылар берлеге рәисе Ркаил Рафаил улы Зәйдуллага 60 яшь!

Бүген, 23 гыйнвар көнне, Татарстанның халык шагыйре, Габдулла Тукай исемендәге Дәүләт премиясе лауреаты, Татарстан Дәүләт Советы депутаты, Татарстан Язучылар берлеге рәисе Ркаил Рафаил улы Зәйдулланың гомер бәйрәме - аңа 60 яшь тулды. Олуг юбилеегыз белән тәбрик итәбез! Берсеннән берсе матур һәм мәгънәле әсәрләрегезне халкыбызга бүләк итеп торыгыз, иҗат чишмәгез саекмасын! Иң мәртәбәле мөнбәрләрдән татар халкы мәнфәгатьләрен яклаган чыгышларыгыз туктаусыз яңгырап торсын, бу мәсьәләдә ару-талуны белмәгез! Барлык уй-ниятләрегез тормышка ашсын, бәхетле озын гомер кичерегез!
"Мәйдан" журналы коллективы.