Рөстәм Миңнеханов Луи Брайль системасы буенча Коръән басарга ярдәм иткән

Татарстан Президенты Рөстәм Миңнеханов Луи Брайль системасы буенча Коръән басу өчен акча бүлеп биргән, дип хәбәр итә kzn.tv.

Изге китапны “Ярдәм” хәйрия фондының "Зур Казан" басмаханәсендә басалар. Фондның матбугат хезмәте хәбәр иткәнчә, күзләре күрмәүчеләргә китапны бушка тараталар. Беренче Коръәнне “Ярдәм” үзәгендә тернәкләндерү узучыларга тапшырганнар. Алга таба аны Россиянең башка төбәкләренә дә таратырга уйлыйлар.
“Ярдәм” хәйрия фонды соңгы ун елда Россия һәм Бәйсез дәүләтләр бергәлегеннән килгән күзләре күрмәүчеләрне тернәкләндерү белән шөгыльләнә.