— Күңелгә бүген — 19 яшь. Ә сезгә?
— Безгә дә 19! – ди халык.
— Бәйрәм белән дуслар!
Рәсми өлештә Татмедиа Акционерлык җәмгыяте филиалы Чаллы ТВ Телерадиокомпаниясе” җитәкчесе Зөфәр Вахит улы Дәүләтшин, “Татмедиа Акционерлык җәмгыятенең Радиолар департаменты” башлыгы Алмаз Миргаязов сәламләделәр, котлау сүзләрен җиткерделәр.
Аннары концерт башланды. Җыелган кунаклар алдында Илнур Гомәров, Рузилә Бикова, Айгиз Әхмәтов, Миләүшә Хуҗина, Азат Зартдинов, Муса Камалов, Лия Харасова, Сәрия Нәбиуллина кебек танылган җырчылар чыгыш ясады.
Шунда ук сый-нигъмәт тулы өстәлләр дә тезелгән иде. Радиотыңлаучылар бик күп күчтәнәчләр алып килгән. Бу матур итеп бизәлгән бәлеш, төрле пирог, төш, чәк-чәк, кош теле, торт-кәнфитләр арасында бәйге игълан ителгән. Иң тәмле һәм матур итеп бизәлгән татар сый-нигъмәте ияләрен махсус бүләкләр көтә иде. Җиңүчеләрне халык, тамашачы кул чабып, алкышлар белән үзе сайлады. Беренче урынны Нурия Латыйповага бирделәр. Икенче урынны ике кеше бүлеште: Нурия Гыйлметдинова белән Зөлфирә Хөсәенова.
Җиңүчеләр Чаллы телерадиокомпаниясеннән махсус сувенирлар һәм иганәчеләрдән татлы бүләкләр белән бүләкләнде.
Шулай итеп бәйрәм тәмамланды. “Күңел”— ул безнең күңелләрдә!" — дия-дия халык таралды.
Бәйрәмең белән, "Күңел".
Комментарийлар