Казанда башларына дуршлаг киеп өйләнешкәннәр (ФОТО)

Казанда 24 яшьлек Аквар белән 21 яшьлек Айгөл гадәти булмаган туй уздырган.

Алар пастафарианство дигән, шаяру религиясе (аны Америка физигы Бобби Хендерсон уйлап тапкан була) буенча, башларына дуршлаг киеп өйләнешәләр, дип яза Inde.io чыганакларына таянып "Шәһри Казан" газетасы сайты.
Туйны яшьләр бик зур чыгымнарсыз гына уздырган. Декорация белән 50 кешелек ритуаль спагеттины да алар үз куллары белән әзерләгән.
Изге ата буларак фатиханы яшьләргә Коми Республикасыннан килгән дуслары биргән, ди.