Казан Кремле музейлары май бәйрәмнәрендә дә хезмәт күрсәтәчәк

Казан Кремле музейлары май бәйрәмнәрендә дә эшләячәк, дип хәбәр итә "Казан Кремле" музей-тыюлыгы матбугат хезмәте.

30 апрель, 1, 2, 3, 7, 8, 9 май көннәрендә Татарстанның Табигый тарих музее, Татарстан дәүләтчелеге тарихы музее, “Эрмитаж-Казан” үзәге, “Манеж” күргәзмә залы, Артиллерия ишегалды музее, Благовещение соборы тарихы музее иртәнге 10нан кичке 6га кадәр эшләячәк, Ислам мәдәнияте музее - 9дан кичке 6га кадәр. Кол Шәриф мәчете һәм Благовещение соборы исә иртәнге 8дән кичке 8гә хәтле ачык була.
Музей-тыюлык территориясе буенча экскурсияләр иртәнге 8дән кичке 8гә кадәр үткәрелә.