Логотип «Мәйдан» журналы

Кабак кушып пешерегез!

Кабаклар озак саклансын, дисәгез, аларны башта — тышкы кабыгыннан, аннан эчендәге төшләреннән чистартыгыз да, йомшагын шакмаклап турап, туңдырыгычка куегыз. Аны кирәк вакытта алып, кабак ашы, бәлеш, п...

Кабаклар озак саклансын, дисәгез, аларны башта — тышкы кабыгыннан, аннан эчендәге төшләреннән чистартыгыз да, йомшагын шакмаклап турап, туңдырыгычка куегыз. Аны кирәк вакытта алып, кабак ашы, бәлеш, пудинг, кекс кебек бик тәмле ризыклар әзерләргә була.
Дәвалану максатында кабакның төшләрен һәм йомшагын кулланалар. Аның төшләре организмда паразит суалчаннарны бетерергә ярдәм итә. Кабакның йомшагы шикәргә, каротинга, С, В1, В2 витаминнарына һәм организм өчен файдалы башка матдәләргә бай. Ул эчәкләр эшчәнлеген яхшырта һәм яхшы бәвел кудыру чарасы булып тора.


Күпчелек очракта кабак йомшагын дөгегә, манный һәм тары ярмасына кушып, ботка пешерәләр. Аңа сөт һәм аз гына шикәр комы да кушып җибәрергә мөмкин. Бөер авыруы булганда чи кабак сутын эчәргә киңәш ителә (тәүлегенә ярты стакан чамасы). Шулай ук, кабак сутын тән пешкәндә, экзема яисә тимгелләр чыкканда сөртәләр.





Автор: Зөлфия Фәтхетдинова




Фото: https://www.freepik.com/photos/food


Чыганагы: https://kiziltan.ru/articles/poleznoe/2021-09-23/kabak-kushyp-pesheregez-2517753

Комментарийлар