Комитет белгечләре ачыклаганча, "кара тартма" самолет җиргә килеп бәрелгәнчегә кадәр эшләгән. Бу хакта комитет башлыгы урынбасары Сергей Зайко белдергән. "Очыш параметрларын теркәгеч ачылды, зыян күргән кабель сафка бастырылды, хәтер модуле өйрәнелде. Булган мәгълүмат күчереп алынды", – дигән ул. Дәүләтара авиация комитеты ассызыклаганча, әлеге очышка техник характеристика бирүче әлеге яздыру җайланмасында мәгълүмат сыйфаты яхшы сакланган. Әмма тавыш яздыру җайланмасы шактый зыян күргән – кабель сафтан чыккан. Хәзер аларны рәткә китерү эше бара. "Кара тартма"ларны өйрәнү бер ай чамасы вакытны алырга мөмкин, диелә.
Комментарийлар