Һава торышы бозылу сәбәпле, «Аэрофлот» Казанга һәм Чаллыга рейсларны кичектергән

Һава торышы начар булу сәбәпле, «Аэрофлот» Шереметьеводан Казан һәм Чаллы шәһәренә рейсларны гамәлдән чыгарды. Бу хакта авиакомпаниянең рәсми сайтында хәбәр ителә.

«Бүген Шереметьево аэропортыннан, начар һава торышы фаразына бәйле рәвештә, Россиянең төрле шәһәрләренә, шул исәптән Казанга һәм Яр Чаллыга 11 рейс гамәлдән чыгарылган», – диделәр «Аэрофлот» авиакомпаниясе матбугат хезмәтендә.
Моннан тыш, Шереметьеводан очып китүче яки анда килергә тиешле тагын 17 рейс тоткарланачак.

Фото: https://pixabay.com/

https://tatar-inform.tatar/news/2019/04/11/184304/