Чаллыда "КАМАЗ-мастер" командасын каршы алдылар

Бу көннәрдә "Бигеш" аэропортында "Ефәк юлы-2016" халыкара узышларында катнашкан һәм лаеклы җиңү яулаган "КАМАЗ-мастер" командасын каршы алдылар.
Фото: nabchelny.ru
8-24 июль көннәрендә "Ефәк юлы-2016" Халыкара узышы үтте. 14 этаптан торган раллида йөк машиналары арасында "КАМАЗ-мастер" командасының Айрат Мәрдиев экипажы җиңүгә иреште. Икенче урында шулай ук Чаллы узышчылары – Дмитрий Сотников экипажы.
Спортчыларны каршыларга туганнары, каләм әһелләре, иҗтимагый оешма вәкилләре, тамашачылар һәм шәһәр җитәкчелеге килгән иде.
Җиңүчеләрне шәһәр җитәкчелеге исеменнән Чаллы шәһәр Башкарма комитеты җитәкчесе Ринат Абдуллин котлады.
 
 

Чыганак: http://intertat.ru/tt