Азнакайның физика укытучысы - Сорос фонды премиясе лауреаты

 
Азнакайның физика укытучысы Валентина Гагина шәһәрнең 5 нче урта мәктәбендә 39 ел буе физика укыта.

Ул Сорос фонды премиясе лауреаты. Бу аның үз фәнен нинди югары дәрәҗәдә белүе һәм укытуы хакында сөйли, дип яза http://www.aznakaevo-rt.ru.
Валентина Викторовнаның Интернет челтәрендә үз сайты бар һәм аннан кулланучылар саны 2 миллионнан артып китә икән. Аның эш тәҗрибәсе белән хәтта океан артындагы илләрдән дә кызыксыналар. Дистәләгән укучылары остазлары юлыннан киткән. Укучылары исә олимпиадаларда призлы урыннар яулый.