Истәлек

Кичке авыл урамында
Таныш моңнар ишетәм.
Гармуныңнан моң агыла –
Ерактагы яшьлектән.
 
Агыйдел буеннан килә
Пароходлар тавышы.
Яшьлектә сөйгән яр белән
Булмады ла кавышып.
 
Китеп бардың тальян уйнап –
Саубуллашу җырыңны.
Әле хәзер дә тоям күк,
Бәгърем, йөрәк җылыңны.
 
Кичке авыл урамында
Таныш моңнар ишетәм.
Гармуныңнан моң агыла –
Ерактагы яшьлектән.
 

Рәмзия ВӘЛИЕВА

Түбән Кама шәһәре

Фото: Гөлнар Караева