Кабактан пирог әзерли беләсезме?
Бер әфлисун да кирәк булыр. Бу татлы камыр ризыгын кабакны бик өнәмәүчеләр дә яратырга тиеш.
Камыр өчен кирәк:
140 грамм акмай;
3 кашык су;
2 кашык шикәр;
1,5 стакан он.
Боларның барысын да кушып, камыр басабыз.
Эчлек өчен кирәк:
2 стакан кабак измәсе (кисәкләргә бүленгән яшелчәне мичтә пешерәбез һәм изәбез);
200 грамм эремчек;
3/4 стакан шикәр;
2 йомырка;
кыргычтан чыгарылган 1 әфлисун кабыгы.
Боларның барысын да блендерга салып әйләндерәбез һәм эчлек әзер!
Камырны табага җәеп урнаштырабыз һәм өстенә эчлек салабыз.
40 минут 180 градуска кадәр кыздырылган мичтә пешерәбез.
Тәмле булсын!
Автор: Ләйсән Якупова
Фото: https://ru.freepik.com/Изображение от Freepik
Чыганагы: https://kiziltan.ru/articles/poleznoe/2023-09-27/kabaktan-pirog-zerli-bel-sezme-3456419
Комментарийлар