Әфлисун суын ясау бик җиңел
Пластик шешәләргә дә тутырып куйсагыз, җәйгә бик яхшы эчемлек булачак.
4 әфлисунны юарга, кайнар суда чайкатып алырга (әче булмасын өчен). Яхшылап корытырга һәм 2 сәгатькә суыткычка куеп торырга.
Иттарткыч аша чыгарылган әфлисунга 3 литр салкын су салып, 10 минут көткәч, берничә тапкыр - иләк, аннан соң марля аша сөзәргә кирәк. Аннан соң тагын 6 литр су, 1 килограмм шикәр, 30 грамм лимон кислотасы салып болгатырга киңәш ителә. 9 литр әфлисун суы чыгарга тиеш. Шуны пластик шешәләргә тутырырга һәм 1 сәгатькә калдырып торырга.
Сөзгәннән соң калган массадан, тәменчә шикәр һәм лимон кислотасы салып, варенье кайнатырга мөмкин. Капкачын ябып, 5 минут микродулкынлы мичтә кайнатсаң, әфлисун желесы килеп чыга.
Автор: Гөлия Мөгаллимова
Фото: https://ru.freepik.com/Изображение от wirestock
Чыганагы: https://kiziltan.ru/articles/poleznoe/2023-05-11/flisun-suyn-yasau-bik-i-el-3254075
Вход на сайт
Комментарийлар