“Зәкят” хәйрия фонды чукрак һәм начар ишетүче студентларга юлга түләү карталары бүләк итте

Татарстан Республикасы мөселманнары Диния нәзарәтенең “Зәкят” хәйрия фонды Казан шәһәре Мәскәү районы 34 нче татар-рус гомумбелем бирү мәктәбенең чукраклар һәм начар ишетүчеләр мәктәбендә укучылар өчен юл йөрү карталары бүләк итте, дип яза нәзарәтнең матбугат хезмәте.
Фото: http://dumrt.ru
Тугыз бала урта гомуми белем ала һәм бер үк вакытта кече бизнес һәм эшмәкәрлек колледжында һәм төзелеш колледжында һөнәри белем үзләштерә. Шунысы игътибарга лаек, укучыларның икесе World Skills халыкара конкурсында җиңүчеләр булып торалар. Аларның бирегә Казанга Идел буеның төрле төбәкләреннән, хәтта Мәскәү өлкәсеннән килүләре һәм шәһәр җәмәгать транспортында мәктәпкә бару һәм кире кайтулары зур чыгымнарның берсе булуы ачыкланды. Татарстан Республикасы мөселманнары Диния нәзарәтенең “Зәкят” хәйрия фонды тарафыннан түләнгән транспорт карталарын матди ярдәм хисабыннан физик мөмкинлекләре чикләнгән балалар алды.
Татарстан Республикасы мөселманнары Диния нәзарәтенең “Зәкят” хәйрия фонды җәмгыятьнең иң мохтаҗ катламнарына ярдәм күрсәтә: күп балалы һәм аз керемле гаиләләргә, авыр тормыш хәленә эләккән кешеләргә; ятимнәргә һәм тол калучыларга – карт кешеләргә. Фонд шулай ук авыру балаларга һәм олыларга дәвалануны түләү буенча акчалар җыю белән шөгыльләнә. “Зәкят” хәйрия фондында кием тапшыру һәм алу пункты эшли, үзеңә кирәк әйберләрне сайлап алырга мөмкин.
Адрес: Казан шәһәре, Лобачевский ур., 6/27.
Телефон: (843) 225-33-22.