ЮХИДИ: йөк машиналары һәм автобусларга Чаллыдан Казан ягына бару вакытлыча тыелды

Республика башкаласыннан Чаллы ЮХИДИ хезмәтенә Казан ягына йөк машиналары хәрәкәтен туктатырга дигән карар килде.
Бу һавв торышы шартлары бозылу белән бәйле. Әлеге карар шәһәрара автобусларына да кагыла. Алдагы сәгатьләрдә Чаллыдан чыгучы М-7 трассасы җиңел машиналар өчен дә ябылырга мөмкин.
Исегезгә төшерәбез, Татарстанда бүген 18.00 сәгатькә кадәр шторм турында кисәтү булды. ТР президенты Рөстәм Миңнеханов кушуы буенча Гадәттән тыш хәлләр министрлыгы кичәдән бирле югары әзерлектә эшли.