“ТАТМЕДИА” акционерлык җәмгыяте генераль директоры боерыгы белән акция хакында нигезләмә расланды. Реклама акциясендә 3 фотоаппарат, 12 савыт-саба җыелмасы, 550шәр сумлык 45 бүләкләр җыелмасы уйнатылачак, төп приз телевизор булачак. Аларны оту бәхетен сынап карау өчен 30 июньгә кадәр 2016 елның икенчее яртысына (тулы 6 айга) “ТАТМЕДИА” нәшер иткән кимендә өч газета-журналга язылырга һәм квитанцияләрне, «Акция» тамгасы куеп, телефон номерын күрсәтеп, почта аша (420066, г.Казань, ул.Декабристов, д.2) адресына яки электрон юл белән ( podpiska@tatmedia.ru) җибәрергә кирәк.
Акция 2016 елның 20 сентябренә кадәр итә. Призлар 19 августта уйнатылачак. Һәр районнан иң күп суммадагы газета-журналга язылучыга кызыксындыру бүләге биреләчәк. Әгәр берничә кешенең бер үк бәядәге матбугатка язылганлыгы ачыклана икән, алар арасыннан абунәне алданрак рәсмиләштерүче сайлап алыначак. “ТАТМЕДИА” басмалары һәм акциянең тулырак шартлары белән www.tatmedia.ru сайтында танышырга була.
Комментарийлар