Яшел Үзәндә давыл аркасында ике бала һәм бер олы кеше зыян күргән

Яшел Үзән районында Кызыл Яр авылында давыл аркасында 13 һәм 15 яшьлек ике бала һәм бер олы кеше зыян күргән. Бу хакта “Татар-информ” агентлыгына Яшел Үзән Үзәк район хастаханәсендә үз чыганагы хәбәр итте.
Фото: соц сети
Чыганак мәгълүматларына караганда, зыян күрүчеләрне уртача авыр хәлдә Яшел Үзән Үзәк район хастаханәсенә китергәннәр.
Тагын бер баланың аягы имгәнгән. Табиблар аңа урында ук медицина ярдәме күрсәткән һәм өенә кайтарып җибәргәннәр.