Ярминкә интернетка күчте
Авыл ризыгын әллә кайдан эзләп йөрисе юк хәзер. Аларны “бер түбә” астына туплаган махсус сайт барлыкка килде.Әлеге исемлектә үзләрен күрергә теләгән фермерлар “Ярмарка16.рф” сайтына кереп теркәлә һәм...
Авыл ризыгын әллә кайдан эзләп йөрисе юк хәзер. Аларны “бер түбә” астына туплаган махсус сайт барлыкка килде.
Әлеге исемлектә үзләрен күрергә теләгән фермерлар “Ярмарка16.рф” сайтына кереп теркәлә һәм җитештергән продукцияләрен халыкка тәкъдим итә ала. Бу хакта “Татар-Информ” агентлыгында узган матбугат очрашуында әйттеләр.
Аны гамәлгә куючылар фикеренчә, сайт җитештерүчеләр өчен дә, сатып алучылар өчен дә отышлы сату-алу мәйданчыгы булачак. Беренчедән, җитештерүчегә аренда, сатучылар һәм башка чыгымнар өчен өстәмә акча чыгарып бирергә кирәк булмаячак, икенчедән, аларның ризыкларыннан бөтен республика халкы хәбәрдар була. Сатып алучылар исә җитештерүчеләр белән турыдан-туры аралаша алачак. Республиканың мәгълүмати-исәпләү үзәге генераль директоры Дмитрий Холопов әлеге сайтның күпләп һәм шулай ук азлап сатып алучылар өчен дә кулай булачагын җиткерә.
– Мондый сайт күптәннән кирәк иде, – ди Авыл хуҗалыгы һәм азык-төлек министрлыгының азык-төлек базары үсеше бүлеге җитәкчесе урынбасары Анатолий Никитин. – Авыл хуҗалыгы ярминкәсенең халык арасында нык популяр булуын исәпкә алып, республика Президенты аны заманчалаштырып, электрон формада да алып барырга кирәклеген белдерде. Әлеге мәйданчык узган елның декабрь аенда эшли башлады. 200дән артык авыл хуҗалыгы товарларын җитештерүчеләр сайтта теркәлергә өлгерде инде.
Алар арасында фермерлар, авыл хуҗалыгы оешмаларын күрергә була. “Бирегә шәхси хуҗалыклар да үз продукциясен куя ала. Теркәлү, белдерү кую бушлай”, – дип ачыклык кертә Дмитрий Холопов. Ярминкә мәйданчыгында 140 төрдәге ризык урын алган. Аеруча ит, сөт сатучылар күп икән. Бәяләре дә кибетләргә караганда күпкә арзанрак. 3,2 процентлы 900 мл сөтне, мәсәлән, 34 сумга алырга була.
Сайтта сатып алынган ризык турында үз фикереңне дә язып калдыра аласың. Әмма электрон ярминкәгә көнгә нибары 40лап кына кеше керә. Оештыручылар, интернет-проектның эшләвен бик күпләр белеп бетерми, шуңа да кызыксынучылар аз, диләр. “Экологик чиста, үзебездә җитештерелгән, шул ук вакытта арзанлы да, сыйфатлы да ризыклар турында бөтен кешеләр дә хәбәрдар булырга тиеш. Бу яңалык шәһәр җирендә яшәүчеләрдә зур кызыксыну уятыр дип уйлыйбыз. Шуңа күрә әлеге сайт турында башкаларга да җиткерергә кирәк”, – ди Дмитрий Холопов.
Әлеге исемлектә үзләрен күрергә теләгән фермерлар “Ярмарка16.рф” сайтына кереп теркәлә һәм җитештергән продукцияләрен халыкка тәкъдим итә ала. Бу хакта “Татар-Информ” агентлыгында узган матбугат очрашуында әйттеләр.
Аны гамәлгә куючылар фикеренчә, сайт җитештерүчеләр өчен дә, сатып алучылар өчен дә отышлы сату-алу мәйданчыгы булачак. Беренчедән, җитештерүчегә аренда, сатучылар һәм башка чыгымнар өчен өстәмә акча чыгарып бирергә кирәк булмаячак, икенчедән, аларның ризыкларыннан бөтен республика халкы хәбәрдар була. Сатып алучылар исә җитештерүчеләр белән турыдан-туры аралаша алачак. Республиканың мәгълүмати-исәпләү үзәге генераль директоры Дмитрий Холопов әлеге сайтның күпләп һәм шулай ук азлап сатып алучылар өчен дә кулай булачагын җиткерә.
– Мондый сайт күптәннән кирәк иде, – ди Авыл хуҗалыгы һәм азык-төлек министрлыгының азык-төлек базары үсеше бүлеге җитәкчесе урынбасары Анатолий Никитин. – Авыл хуҗалыгы ярминкәсенең халык арасында нык популяр булуын исәпкә алып, республика Президенты аны заманчалаштырып, электрон формада да алып барырга кирәклеген белдерде. Әлеге мәйданчык узган елның декабрь аенда эшли башлады. 200дән артык авыл хуҗалыгы товарларын җитештерүчеләр сайтта теркәлергә өлгерде инде.
Алар арасында фермерлар, авыл хуҗалыгы оешмаларын күрергә була. “Бирегә шәхси хуҗалыклар да үз продукциясен куя ала. Теркәлү, белдерү кую бушлай”, – дип ачыклык кертә Дмитрий Холопов. Ярминкә мәйданчыгында 140 төрдәге ризык урын алган. Аеруча ит, сөт сатучылар күп икән. Бәяләре дә кибетләргә караганда күпкә арзанрак. 3,2 процентлы 900 мл сөтне, мәсәлән, 34 сумга алырга була.
Сайтта сатып алынган ризык турында үз фикереңне дә язып калдыра аласың. Әмма электрон ярминкәгә көнгә нибары 40лап кына кеше керә. Оештыручылар, интернет-проектның эшләвен бик күпләр белеп бетерми, шуңа да кызыксынучылар аз, диләр. “Экологик чиста, үзебездә җитештерелгән, шул ук вакытта арзанлы да, сыйфатлы да ризыклар турында бөтен кешеләр дә хәбәрдар булырга тиеш. Бу яңалык шәһәр җирендә яшәүчеләрдә зур кызыксыну уятыр дип уйлыйбыз. Шуңа күрә әлеге сайт турында башкаларга да җиткерергә кирәк”, – ди Дмитрий Холопов.
http://www.vatantat.ru
Вход на сайт
Комментарийлар