Яр Чаллыда тәүлегенә 144 тонна продукция җитештерү куәтенә ия кош-корт эшкәртү предприятиесе төзелә

ТР Авыл хуҗалыгы һәм азык-төлек министрлыгы хәбәр итүенчә, Чаллы шәһәрендә «Весенний» совхозы мәйданчыгында тәүлегенә 144 тонна яисә елга 50 000 тонна продукция җитештерү куәтенә ия кош-корт эшкәртү предприятиесе төзелә.

Объектның смета хакы 2,34 млрд сум дип каралган, шул исәптән җайланмалар алуга - 1 млрд сум. Объектны 2016 елның II кварталына файдалануга тапшыру планлаштырыла. Нәтиҗәдә, биредә 1,2 мең яңа эш урыны булдыру күздә тотыла.