Яр Чаллы «Китапханә төне» акциясенә кушылды

Шәһәр үзәк китапханәсе ел саен үткәрелә торган «Китапханә төне» Бөтенроссия акциясендә катнашты. Шәһәр халкы һәм кунаклары өчен мавыктыргыч программа тәкъдим ителде.
Чара кунаклары комикс-лабораториядә булдылар, JUSTDANCE бию батлында катнаштылар. Шулай ук Түбән Кама рәссамы Айзирәк Мостафинаның күргәзмәсендә булдылар.
Моннан тыш, килгәннәргә музыкаль уен коралларында уйнау буенча мастер-классларда катнашу, "Капоэйра" хәрби сәнгате белән танышу һәм «матрешкалар» ясау мөмкинлеге бирелде.
Кунаклар популяр блогер Рәмис Гыйлметдинов белән очраштылар, өстәл уеннары буенча турнирда катнаштылар, Андрей Устюжанинның «Табышмак» исемле башваткычлары белән таныштылар.
 

Чыганагы:  Яр Чаллы шәһәренең мәгълүмати сәясәт һәм җәмәгатьчелек белән элемтә идарәсе